ყველაფერი იქედან დაიწყო, როცა მაიუმიმ ასი ათასი იენი დაკარგა, რომელიც კლასში საქველმოქმედო საქმისთვის აიკრიბა. საშუალო სკოლის მოსწავლე გოგონებისთვის ეს დიდი თანხა იყო. თანაკლასელთა რისხვისგან თავდაცვის მიზნით, გოგონამ ფული ჩუმად კლასის დედოფლისგან, აიუ კუროდისგან ისესხა, რის გამოც ამ ბოროტი ლამაზმანისა და მისი მეგობრების სათამაშო მონად გადაიქცა. მაიუმი ყველა მის დამამცირებელ და შეურაცხმყოფელ მოთხოვნას იძულებით ასრულებდა და სულ უფრო და უფრო ტყუილების ჭაობში ეფლობოდა. მაიუმიმ ყურმოკვრით შეიტყო, რომ ინტერნეტში არსებობს რაღაც საიდუმლო საიტი, რომელზეც ზუსტად შუაღამით თუ ჩაწერ იმის სახელს, ვინც გაბრაზებს და გჩაგრავს, მისი სული პირდაპირ ჯოჯოხეთში მოხვდება. ასეთი მომსახურებისთვის კი -საკუთარი სულით უნდა გადაიხადო საზღაური...