ბრაზილიელი უცნაური სახელის მქონე გოგონა დუდას ცხოვრება, ერთ წამში თავდაყირა დადგება. ეს მაშინ მოხდა, როცა მისი დედა ავიაკატასტროფაში დაიღუპა. მისი აღზრდა ითავა სოლიდური ასაკის გავლენიანმა ქალბატონმა, რომელთანაც ადრე გოგონას დედა მუშაობდა. ქალბატონი ანჟელა მალერი, ყოველგვარ დედობრივ გრძნობებს მოკლებული ეგოისტი ადამიანი აღმოჩნდა. მალერის ფირმაში, ახალგაზრდა სიმპათიური ბრუნო გამოჩნდა, რომელსაც ალფონსის (ქალების კისერზე მცხოვრები კაცის) გზაა აქვს არჩეული. ის ძალიან წარმატებულია მარტოხელა ქალთა სამყაროში. დასაწყისში მან ყურადღება მიაპყრო მალერის კომპანიის ადვოკატ ჟილდას, მაგრამ შემდეგ ჩვენი გმირი - დუდა გაიცნო. ახალგაზრდებში გრძნობის ნაპერწკალმა გაიელვა. ეს ცხადია, არ ეამა ქალბატონ ანჟელას. ერთხელ, მის სახლში გამართულ მაღალი საზოგადოების წვეულებაზე, ექსტრაორიდინალური და სასტიკი შემთხვევა მოხდა - საცურაო აუზში გარდაცვლილი ბრუნო იპოვეს. ვინ დაადგა კბილი ახალგაზრდას? ქალბატონმა ანჟელამ, თუ იდუმალმა მტერმა?..